మణుగూరులో ఆర్యవైశ్యుల ఐక్యతకు వనభోజన వేడుక
తేదీ: 10 నవంబర్ 2024
స్థలం: మణుగూరు మండలం, భద్రాద్రి కొత్తగూడెం జిల్లా, వెన్నెల జలపాతం
మణుగూరులోని వెన్నెల జలపాతం వద్ద ఆదివారం ఆర్యవైశ్యుల వనభోజన మహోత్సవ కార్యక్రమం అంగరంగ వైభవంగా జరిగింది. ఈ కార్యక్రమానికి ఆర్యవైశ్య మహాసభ రాష్ట్ర ఉపాధ్యక్షుడు దోసపాటి వెంకటేశ్వరరావు ముఖ్య అతిథిగా హాజరై, ఆర్యవైశ్యులు ఐక్యతతో ముందుకు సాగి సమాజ సేవలో ప్రధాన పాత్ర పోషించాలని పిలుపునిచ్చారు. ఆర్యవైశ్య జిల్లా అధ్యక్షుడు ధారా రమేష్, జిల్లా గౌరవ అధ్యక్షురాలు పెండ్యాల రోజా లక్ష్మి లతో కలిసి ఆయన మాట్లాడుతూ, ఆర్యవైశ్యులు రాజకీయాలు, వైద్య విద్య, మరియు ఇతర రంగాల్లో సత్తా చాటుతూ సమాజానికి సేవ చేయాలని ఆకాంక్షించారు. ఆర్యవైశ్య మహాసభ ఆధ్వర్యంలో మణుగూరు వరద బాధితులకు 300 నిత్యావసర కిట్లు అందించామని, వాసవి క్లబ్ ద్వారా ప్రజలకు ఎన్నో సేవా కార్యక్రమాలు నిర్వహిస్తున్నామని దోసపాటి వెంకటేశ్వరరావు వివరించారు. ఈ కార్యక్రమంలో మణుగూరు, అశ్వాపురం, పినపాక, కరకగూడెం మండల ఆర్యవైశ్య సంఘాల నాయకులు, వాసవి క్లబ్ సభ్యులు మరియు వందలాది ఆర్యవైశ్యులు పాల్గొన్నారు. ఈ సందర్భంగా పిల్లలకు ఆటపాటలు నిర్వహించి బహుమతులు అందజేశారు. ఆర్యవైశ్య సంఘం మహిళా జిల్లా అధ్యక్షురాలు చిత్తలూరి ఉమ, జిల్లా నాయకులు ఎలుగూరి నగేశ్ కుమార్, మరియు నియోజకవర్గ, మండల, పట్టణ ఆర్యవైశ్య ప్రతినిధులు ఈ కార్యక్రమంలో పాల్గొని వారి సేవలను కొనియాడారు. కార్యక్రమంలో పాల్గొన్న ప్రముఖులు: కత్తి రాము, కోలేటి భవాని శంకర్, చిత్తలూరి రమేష్, బండారు నరసింహారావు, కడవండి విశ్వనాథ గుప్త, స్వరాజ్యరావు, కోటగిరి సందీప్, రేపాక వెంకన్న, చిన్న మస్తాన్, గాదం శెట్టి సుబ్రహ్మణ్యం, వందనపు వాసు, చిట్టురి శేషు బాబు, దింటకుర్తి బ్రహ్మయ్య, కేశ రాజేంద్రప్రసాద్, బొగ్గవరపు అంజలి, కొత్త ఇందుమతి, సుగ్గల బాను తదితరులు.
